• Alweddi mynediad
• Cartref
• Ewch i'r cynnwys
• Ewch i'r brif lyw
• Ewch i'r llyw ar yr ochr chwith
• Cysylltu a ni
• Teithwyr gyda anabledd

Manx2.com yn lawnsio cynnig arbennig i hedfan i Ynys Manaw

Mae Manx2.com yn lansio rhaglen newydd o deithiau dros dymor yr haf er mwyn ceisio cryfhau'r cysylltiadau rhwng Ynys Môn ac Ynys Manaw

Bydd y teithiau, sy'n cael eu croesawu fel hwb i dwristiaeth a hamdden yn y ddwy wlad Geltaidd, yn cychwyn ar Awst 6 ac yn dod i ben fis yn ddiweddarach ar Medi 6. Bydd y gwasanaeth yn gadael bob dydd Gwener a dydd Llun, gyda'r gost yn dechrau ar ddim ond £39 am docyn un ffordd.

Mae Manx2.com yn rhedeg gwasanaeth ddwywaith y dydd ar hyn o bryd rhwng Maes Awyr Môn a Chaerdydd o dan gontract gan Lywodraeth Cynulliad Cymru.

Dywedodd Cadeirydd Manx2.com, Noel Hayes: "Rydym yn hynod o falch i allu cynnig cyfle unigryw i deithwyr hedfan i Ynys Manaw. Gyda chyrchfan mor brydferth dim ond 50 milltir i ffwrdd ar draws Môr Iwerddon, mae'r teithiau hyn dros yr haf yn berffaith i'r rhai sy'n dymuno profi'r hyn sydd gan ein hynys i'w gynnig, boed hynny am wyliau penwythnos neu yn gyfle i gysylltu eto gyda ffrindiau a pherthnasau".

Dywedodd Clive McGregor, Arweinydd Cyngor Sir Ynys Môn: "Mae hyn yn newyddion da i'r maes awyr a hynny mor fuan wedi i Manx2.com ddechrau teithio i Gaerdydd. Mae'n gyfle gwych i ymwelwyr o Ynys Manaw ddod i Ynys Môn dros yr haf. Rwy'n gobeithio y bydd y fenter yn un y gallwn adeiladu arni. Gyda'r sefyllfa economaidd anodd sydd ohoni ar hyn o bryd, rhaid i ni wneud y mwyaf o bob cyfle ac mae hwn yn un rwyf yn ei groesawu'n fawr".

Yn ystod y cyfnod arbrofi, bydd yr awyren yn gadael Ynys Manaw am 13.00 ddydd Gwener, ac yn cyrraedd Maes Awyr Ynys Môn am 13.30. Bydd y daith yn ôl yn gadael Maes Awyr Ynys Môn am 13.50, gan gyrraedd Ynys Manaw am 14.20.

Ar ddydd Llun, bydd yr awyren yn gadael Ynys Manaw am 15.00, ac yn cyrraedd Maes Awyr Ynys Môn am 15.30. Bydd y daith yn ôl yn gadael Maes Awyr Ynys Môn am 16.00, ac yn cyrraedd Ynys Manaw am 16.30.