• Alweddi mynediad
• Cartref
• Ewch i'r cynnwys
• Ewch i'r brif lyw
• Ewch i'r llyw ar yr ochr chwith
• Cysylltu a ni
• Teithwyr gyda anabledd

Busnesa'n cael blas o wasanaeth awyr newydd Cymru

Cafodd cynrychiolwyr busnes gogledd orllewin Cymru ragolwg ar y gwasanaeth awyr newydd rhwng Môn a Chaerdydd yn ddiweddar mewn digwyddiad i ddathlu dyfodiad y gwasanaeth ar y safle ger orsaf y Llu Awyr yn y Fali.

Y gobaith yw y bydd y gwasanaeth awyr newydd, sy'n cael ei ddarparu gan Highland Airways, yn gwella cysylltiadau busnes, ac yn rhoi hwb i adfywiad economaidd a chyfleoedd twristiaeth yn yr ardal.

Ymunodd Aweinydd y Cyngor Sir, y Cynghorydd Gareth Winston Roberts OBE, â gohebwyr a gwesteion eraill ar y daith awyr gyntaf wrth iddi adael Maes Awyr Rhyngwladol Caerdydd a glanio ym Maes Awyr Môn ar yr 11eg o Ebrill.

Dywedodd y Cyng Roberts: "Bydd Maes Awyr Môn yn gatalydd ar gyfer adfywiad ac yn rhoi hwb sylweddol i fusnesau lleol a thwristiaeth ar draws gogledd orllewin Cymru."

"Mae'n gynllun cyffrous i ni yma ym Môn, a bydd maes awyr sifil yn gwneud yr Ynys yn llawer mwy cystadleuol wrth geisio denu buddsoddiad newydd ac annog busnesau - sydd eisoes yma - i ehangu."

"Mae hwn yn gynllun pwysig dros ben ac mae Cyngor Sir Ynys Môn yn falch iawn o fod yn chwarae rhan blaenllaw ynddo."